वर्षा र बाढी : मृत्यु हुनेको संख्या ५२ पुग्यो

अविरल वर्षाका कारण मुलुकभर पहिरो, बाढी र डुबानका कारण मृत्यु हुनेको संख्या ५२ पुगेको छ । २० घाइते भएका छन् भने ३७ जना वेपत्ता भएका छन् ।

बाढी पहिरोबाट भएको जनधनको क्षतिप्रति अकोराबद्वारा दुःख व्यक्त

विगत केही दिन यता लगातारको वर्षाले तराई मधेसका अधिकांश जिल्ला भएको जनधनको क्षतिप्रति सामुदायिक रेडियो प्रसारक संघ (अकोराब) ले दुःख व्यक्त गरेको छ । सबै रेडियोहरुलाई आफू सुरक्षित रहँदै उद्धार तथा राहतको कार्यमा सघाउँदै यस संकटको घडीमा अपनाउनुपर्ने सावधानी र जीवन उपयोगी रेडियो सामग्रीहरु प्रसारण गर्न पनि अनुरोध गर्नुभएको छ ।

रौतहटमा गर्भवतीलाई अस्पताल लैजाँदै गरेको गाडी बगायो

रौतहटमा आज गर्भवती बोकेको गाडी बाढीमा डुब्दा एकै परिवारका ६ जनाको मृत्यु भएको छ । जिल्लाको परोहा गाउँपालिका वडा नं ३ लौकाहाका रामसेवक प्रसाद यादवका बुहारीलाई सुत्केरी गराउन अस्पताल लैजाने क्रममा आज विहान राजपुर फरहदवा चोकमा बाढीले गाडी डुबाएको थियो ।

अविरल वर्षाले घर भत्किंदा बर्दियामा एकजनाको मृत्यु

शुक्रबार रातीदेखि आएको अबिरल बर्षाले बर्दियामा एक जनाको एकजना मृत्यु भएको छ । अर्का एकजना वेपत्ता भएका छन् भने ३ जना घाईते भएका छन् । मृत्यु हुनेमा ठाकुर वावा नगरपालिका सतघरुवाकी ७ बर्षिया साउने थारुको घर भत्किंदा मृत्यु भएको हो भने बारबर्दिया नगपालिका १० का अन्दाजी २९ बर्षिया राजेन्द्र थारु बेपता भएका छन् । बबई चेपाङका ३ जना घाईते भएका छन् ।

भिरालो ठाउँका बासिन्दाले उच्च सतर्कता अपनाउनुपर्ने

जलेश्वर जलमग्न, नगरपालिका र कारागार पनि डुुबानमा

जिल्ला खानेपानी, जिल्ला अस्पताल जलेश्वर, जलेश्वर कारागार, जलेश्वर नगरपालिकाको कार्यालय समेत डुबानमा परेको छ । महोत्तरीमा झन्डै ५० घर डुबानले पूर्ण रुपमा प्रभावित भएको प्रहरीले जनाएको छ ।

जंगाह पुलमा बाढीले बाटो भत्काएपछि पुुर्वपश्चिम राजमार्ग अवरुद्ध

महोत्तरीकै रातु पुल हिजो साँझ भासिएको थियो । रातु खोलामा आएको बाढीले पुलको एउटा पिलर भासिएपछि रोकिएको आवागमन अहिलेभने सुचारु भएको छ । यात्रुुबहाक बस र सानो गाडीलाई जान दिइएपनि मालवहाक ठूला सवारीलाई भने रातुुको पुल हुुँदै चल्न नदिइएको प्रहरीको भनाइ छ ।

राप्ती नदीले खतराको चिन्ह पार ग¥यो

दाउन्ने पूर्व र पश्चिम २५ किलोमिटर क्षेत्रमा सवारीको लामो लाम लागेको छ । लगातार पानी परेका कारण पहिरो पन्छाउन र सडक खुलाउन समस्या भएको प्रहरीले जनाएको छ । फसेका यात्रुलाई खाना र पानीको समस्या भएको छ ।

उद्धार र राहतमा सहयोग पु¥याउन गृह मन्त्रालयको आह्वान

मन्त्रालयका अनुसार बाढी तथा डुवान प्रभावित क्षेत्रमा खोज तथा उद्धारका लागि स्थानीय प्रशासनको नेतृत्वमा नेपाली सेना, नेपाल प्रहरी, सशस्त्र प्रहरी, तालिम प्राप्त सुरक्षाकर्मी र अन्य जनशक्ति परिचालन गरिएको छ ।

पहिरोमा पुरिएर एकै घरका ४ जनाको मृत्यु

घर माथीबाट आएको पहिरोले पुरिएर उदयबहादुरका ३७ बर्षिया श्रीमति दुर्गाकुमारी खड्का, छोरी १५ वर्षीया शोभा खड्का, छोराहरु १० वर्षीय अनिष खड्का र ८ वर्षीय मनिष खड्काको मृत्यु भएको प्रहरीले जनाएको छ ।