चामल बोक्दै हुम्ली महिला !

प्रकाशित मिति: 2019-01-21

हुम्लाका महिलाले भारी बोकेर जीविकोर्जन गर्ने गरेका छन् ।

उनीहरु सिमकोट एयरपोर्टबाट खाद्य डिपोसम्म चामल बोक्ने गर्छन् ।

सधैं खाद्य डिपोको चामल आउँदैन, चामल नभएका बेला उनीहरु अन्य सामान बोक्ने गर्छन् ।

झन्डै २५ जना महिला चामल बोक्ने काममा खटिएका छन् । खाद्यको चामल आएको बेलामा त ५५ देखि ६० जनासम्म हुने गर्छन् ।

खाद्यले एक किलो चामल बोकेको एक रुपैयाँ दिन्छ । एयरपोर्टबाट खाद्य डिपोसम्मको दुरी खासै टाढा छैन ।

सिमकोटको तल्लो गाउँ र माथिल्लो गाउँका महिलाहरु बढिजसो भारी बोक्ने काममा छन् । केही महिला बाहिरका पनि छन् ।

अन्य सामान बोक्दा भने महिलाहरुले दुरीका हिसाबमा एक भारीको २५० देखि ३०० रुपैयाँसम्म पाउने गर्छन् ।

हुम्ला आएको चामल लगाएत अन्य सामानको भारी बोक्ने काम महिलाले मात्रै गर्दै आएका छन् ।

हुम्लाको सिमकोट एयरपोर्टबाट खाद्य डिपोसम्म चामल बोक्दै गरेका हुम्ली महिलाका केही तस्बिर हेरौं :

तस्बिरहरु : दाने बोहोरा