प्रकाश दाहालको स्मृतीमा ७३ जनाले गरे रक्तदान

तत्कालिन माओवादीका नेता तथा नेकपाका अध्यक्ष पुष्पकमल दाहाल प्रचण्डका छोरा स्वर्गिय प्रकाश दाहालको स्मृतीमा सगरमाथा आरोही संघले गरेको रक्तदान कार्यक्रममा ७३ जनाले रक्तदान गरेका छन् । 

सन् २०१२ मे २६ मा दाहालले सगरमाथा चुचुरो चढेको दिन पारेर रक्तदानको आयोजना गरिएको हो ।  

काठमाण्डौको पर्यटन बोर्डमा आयोजना गरिएको रक्तदानमा नेकपाका अध्यक्ष प्रचण्ड लगाएत नेताहरुको पनि उपस्थिति रहेको थियो । 

खानेपानी तथा सरसफाईमन्त्री बीना मगर, प्रचण्डका ज्वाईहरु तथा अरु नेता कार्यकर्ताले रक्तदान गरेका छन् । 

कार्यक्रममा प्रचण्डले रक्तदान कार्यक्रमले सगरमाथा आरोहण गर्ने सबैको सम्मान भएको बताउनुभयो ।