रेडियो दिदीबहिनीले दशौं महिला महोत्सव गर्ने

सदरमुकाम कुस्मास्थित बान्द्रेबिडीचौरमा हुने महोत्सवमा विगतका वर्ष जस्तै राष्ट्रिय महिला भलिवल प्रतियोगिता, रत्यौली प्रतियोगिता, भजन प्रतियोगिता, विद्यालय स्तरीय सामुहिक नृत्य प्रतियोगिता, बक्तृत्वकला प्रतियोगिता संचालन हुनेछ ।

पर्वत । रेडियो दिदीवहिनी पर्वतले ९५.२ मेघाहर्जले आफ्नो  बार्षिकोत्सवको अवसरमा बृहत् महिला महोत्सवको आयोजना गर्ने भएको छ । पर्वत जिल्लाकै पहिलो सामुदायिक रेडियो दिदीवहिनीले अन्तराष्ट्रिय श्रमिक महिला दिवसको समेत सन्दर्भ पारेर “बृहत दशौं महिला महोत्सव” आयोजना गर्न लागेको हो । 

रेडियोको आठौं बार्षिकोत्सव तथा नारी दिवसका अवसरमा आगामी फाल्गुण १६ देखि २६ गतेसम्म विभिन्न कार्यक्रमको आयोजना गरि महोत्सव गर्न लागीएको रेडियो दिदी वहिनीका अध्यक्ष कल्पना चापागाईले जानकारी दिनुभयो । उहाँले विभिन्न क्षेत्रमा रहनुभएका महिला दिदीबहिनीहरुमा नारी दिवसलाई एक पर्वको रुपमा विकास गर्दै थप जागरण ल्याउन महोत्सवले महत्वपुर्ण भुमिका खेल्ने बताउनुभयो ।

महिलाहरुमा रेडियो प्रतिको आकर्षण बढाउन र जीविकोपार्जनको बाटो खोज्न समेत महोत्सव गर्न लागिएको हो । महोत्सव आयोजनाको तयारी तिब्र भईरहेको छ । 

सदरमुकाम कुस्मास्थित बान्द्रेबिडीचौरमा हुने महोत्सवमा विगतका वर्ष जस्तै राष्ट्रिय महिला भलिवल प्रतियोगिता, रत्यौली प्रतियोगिता, भजन प्रतियोगिता, विद्यालय स्तरीय सामुहिक नृत्य प्रतियोगिता, बक्तृत्वकला प्रतियोगिता संचालन हुनेछ । त्यस्तै विभिन्न समुह तथा संस्थाहरुको ¥याली प्रतियोगिता, टपरी गाँस्ने प्रतियोगीता लगायत ख्याती प्राप्त कलाकारहरुका साथमा विभिन्न साँस्कृतीक कार्यक्रम, नौमती बाजा, शैक्षिक प्रदर्शनी, रमाईलो मेला महोत्सवको मुख्य आकर्षण रहने बताईएको छ । 

महोत्वस अबधिमा करिव एक करोड बढिको आर्थिक गतिविधि हुने तथा विभिन्न निकायबाट आर्थिक संकलन गरि करिव १० लाख रुपैंया बचत गर्ने लक्ष राखिएको छ ।
महोत्सवमा घरेलु उद्योगको प्रचार प्रसार गर्ने उदेश्यले कृषिजन्य उत्पादनको प्रर्दशनी, विभिन्न घरेलु तथा हस्तकलाका सममग्रीहरुको प्रदर्शनि तथा विक्री वितरण गर्ने स्टल पनि रहनेछ ।