महिला अधिकारकर्मीहरु चुनाव केन्द्रीत छलफलमा

आगामी चुनावमा कसरी बढीभन्दा बढी महिलाको सहभागिता गराउने भन्ने विषयमा अधिकारकर्मीहरुले संयुक्त छलफल शुरु गरेका छन् । 

विभिन्न संचारमाध्यमका प्रतिनिधि तथा राजनीति र महिला अधिकारका क्षेत्रमा काम गर्ने एक दर्जनभन्दा बढी संस्थाका प्रतिनिधिहरुको संयुक्त छलफलले चुनावमा बढीभन्दा बढी उम्मेदवार महिला उठाउन, आवश्यकता अनुसार उनीहरुको क्षमता अभिवृद्धिका साथै मतदानमा सबै महिलाले भाग लिने अवस्थामा पु¥याउनका अभियान चलाउनुपर्ने आवश्यकता औंल्याएका छन् । 

जागरण नेपालको पहलमा भएको छलफल कार्यक्रममा जागरणका संस्थापक अध्यक्ष सर्मिला कार्कीले गत संविधानसभाको चुनावहरुमा जस्तै संघसंस्थाहरुको साझा अभियान बनाएर जाँदा परिणाम राम्रो आउन सक्ने बताउनुभयो । 

युएन वुमनका सरु जोशीले ४० प्रतिशत सीट महिलाका लागि सुनिश्चित भइसकेकाले निर्वाचन आयोगसँग पनि मिलेर सन्देशमूलक सामग्रीहरु तयार गर्ने तयारी भइरहेको बताउनुभयो ।  

पत्रकार तथा अभियन्ता कपिल काफ्लेले सामाजिक संजालहरुलाई सदुपयोग गर्न सक्नुपर्ने बताउनुभयो । 

महिला अधिकारका लागि काम गर्ने संजाल मेल इन्गेज अलाइन्सका संयोजक कृष्ण आचार्य, दिदीबहिनीका अध्यक्ष सलोनी सिंह, महिला सुरक्षा दबाब समूहका अध्यक्ष साबित्री पोखरेल, बियोण्ड, बेइजिङ कमिटीका उपाध्यक्ष सुशिला श्रेष्ठलगायतले महिलालाई भोट किन दिने भन्ने विषयमा मिडियामा सन्देशमूलक सामग्री प्रसारण÷प्रकाशन गर्ने देखि पोष्टर, पर्चा पम्पलेटहरु बनाएर व्यापाक प्रचार गर्दा पनि महिला उम्मेदवारलाई जिताउन सहयोग हुने निष्कर्ष पनि छलफलले निकालेको छ ।

छलफलमा महिला सुरक्षा दबाब समूह, दिदीबहिनी, शान्ति मालिका, मेल इन्गेज अलाइन्स, बियोण्ड बेइजिङ कमिटीलगायत दर्जनभन्दा बढी संघसंस्था तथा विभिन्न संचारमाध्यमका प्रतिनिधि सहभागी थिए ।