कालीकोटका एकल महिलाहरु सामुहिक सिलाइ कटाइमा

समाजले हेर्ने दृष्टिकोण पनि परिवर्तन हुँदै

नन्दकृष्ण अधिकारी, रेडियो चंखेली, कालिकोट

कालीकोट जिल्लाका एकल महिलाहरुले सिलाई कटाई सिप सिकेर आफ्नो जीवन गुजारा गर्न थालेका छन । एकल भएपछि समाजमा बेसाहारा हुने गरेका उनीहरुले मान्म बजारमा रुममा सिलाई कटाई गर्न थालेका हुन् । 
कपडा सिलाउने ५ वटा मेसिन संघसंस्थाको सहयोगमा पाएपछि अहिले पाँच जना एक महिलाहरुले सिलाई कटाइको काम गरी जीवन गुजारा गरिरहेका छन् ।
एकल महिला समुह कालीकोटका अध्यक्ष मान्म ५ की एकल महिला जुना सुनारले आफुले २०५३ सालमा सिलाई कटाई सिकेको भएपनि केहि महिना अघिदेखि मात्र व्यवसाय गर्न संभव भएको बताउनुभयो । 
बेरोजगार भएर घरमा बस्नुभन्दा सानो तिनो व्यवसायमा दुख गरेपछि घरपरिवारको खर्च जुटाउन सकिने भएको उहाँको भनाइ छ । 
त्यस्तै कर्णाली राजमार्गको सबैभन्दा ठुलो किट्टु बस दुर्घटनामा श्रीमान् धिर लुवारको मृत्यु भएपछि एक हुनुभएकी फुकोट ७ कि दर्र्पना तिरुवाले पनि सिलाई कटाईबाट दैनिक खर्च चलाउन सजिलो भएको बताउनुभयो । 
सामुहिक सिलाई कटाईमा कन्या शिला पाण्डे विक, कल्पना दर्जी पनि रहनु भएको छ । काम गर्न थालेपछि समाजले हेर्ने दृष्टिकोण पनि परिवर्तन हुँदै गएको महसुस उनीहरुले गरेका छन् भने जीवन गुजारा चलाउन पनि सजिलो भएको छ ।
सरकारी तथा गैरसरकारी संस्थाहरुसँग उनीहरुले थप सीप सिक्ने अवसरको आशा पनि गरेका छन् ।