काठमाडौंमा ८८ किलो सुन बरामद

गाडी चालक पक्राउ

काठमाडौं ।

प्रहरीले काठमाडौंको क्षेत्रपाटी नजिकैबाट ८८ किलो सुन बरामद गरेको छ । महानगरीय प्रहरी अपराध महाशाखाको टोलीले आज बिहान ठमेल नजिकै क्षेत्रपाटीबाट ८८ किलो सुन बरामद गरेको हो ।

महाशाखाका प्रहरी वरिष्ठ उपरीक्षक दिवेश लोहनीका अनुसार पार्किङ गरेर राखिएको बा १७ च ६४२७ नम्बरको टाटा मोबाइल गाडीबाट सुन बरामद गरिएको हो ।

गाडीमा अवैध सुन आएको आशंकामा खानतलासी गर्दा सुन बरामद गरिएको र चालकलाई भने भाग्नै लाग्दा पक्राउ गरिएको उहाँको भनाइ छ ।

गाडीका चालक मनोज अधिकारीलई पनि पक्राउ गरिएको प्रहरीको भनाइ छ । बरामद गरिएको यो परिमाणको सुन अहिलेसम्मकै धेरै भएको बताइएको छ ।