सरकारद्धारा सामुदायिक रेडियोलाई सहुलियत

काठमाडौं ।

उपकरण नविकरणका लागि लिने शुल्कमा सरकारले सामुदायिक रेडियोहरुलाई सहुलियत दिएको छ ।

सूचना तथा संचार मन्त्रालयको असार १९ गतेको निर्णय अनुसार जिल्ला हुलाक कार्यालयमा उपकरण नविकरण शुल्क वापत एक सय वाट क्षमताको रेडियोले एक हजार र पाँच सय वाट क्षमताको रेडियोले २५ सय बुझाउनु पर्ने गरि शुल्क घटाइएको छ ।

यसअघि एक सय वाट क्षमताको रेडियोले दूई हजार र पाँच सय वाट क्षमताको रेडियोले ३५ सय शुल्क बुझाउनु पर्ने व्यवस्था थियो । सरकारले सामुदायिक रेडियोहरुको उपकरण नविकरण शुल्क घटाएको सामुदायिक रेडियो प्रशारक संघका महासचिव गोविन्द देवकोटाले जानकारी दिनुभयो ।

सामुदायिक रेडियोलाई दिइएको सहुलियत बारे सरकारले असार २८ गते राजपत्रमा  प्रकाशित गरेको छ ।   

 

 

अडियो सुन्नुहोस्