चुनावको दिन ३१ गते सार्वजनिक बिदा

३४ जिल्लाका शिक्षण संस्था २५ गतेदेखि बन्द

सरकारले यही वैशाख ३१ गते हुने पहिलो चरणको स्थानीय तहको निर्वाचनका लागि त्यो दिन आइतबार सार्वजनिक बिदा दिने भएको छ । 

शिक्षण संस्था भने बैशाख २५ गतेदेखि ३१ सम्म बिदा गर्ने पनि निर्णय गरेको छ ।

३१ गते चुनाव हुने प्रदेश नं. ३, ४ र ६ का ३४ जिल्लाका सबै शिक्षण संस्थालाई बिदा दिने निर्णय भएको गृह मन्त्रालयले विज्ञप्ति जारी गरी जानकारी दिएको छ ।

निर्वाचनका दिन वैशाख ३१ गते सबै सरकारी कार्यालय, अर्धसरकारी र सार्वजनिक संस्थानहरुमा सार्वजनिक बिदा दिइने विज्ञप्तिमा उल्लेख छ ।