गुन्डा नाइके जसवन्तको खुट्टामा दुई गोली प्रहार

काठमाडौं ।
पक्राउ गर्नेक्रममा प्रतिकार गर्न खोजेपछि प्रहरीले गुन्डा नाइके जसवन्त राईमाथि गोली प्रहार गरेको छ । 

काठमाडौंको बाफल घर भएका राईविरुद्ध कुलेश्वर, कलंकी क्षेत्रमा विभिन्न व्यक्तिलाई धम्काउने, त्रास देखाउने गरेको महानगरीय अवराध अनुसन्धान महाशाखा टेकुमा उजुरी परेको थियो । 

केही दिनअघि मात्र कलंकीको ड्रिम होटेलका मालिकलाई मरणासन्न हुनेगरी कुटपिट गरेपछि उनलाई प्रहरीले खोजी गरिरहेको थियो । 

आज दिउँसो काठमाडौंको बिजुलीबजार पुलबाट राईलाई प्रहरीले पक्राउ गर्न खोजे पनि  राईले प्रतिकार गर्न थालेपछि प्रहरीले दुई राउण्ड गोली चलाएको थियो । 

दायाँ खुट्टामा गोली लागेका राईलाई वीर अस्पतालमा लगेर उपचार गरिएको महानगरीय अपराध अनुसन्धान शाखाका एसपी सहकुलबहादुर थापाले जानकारी दिनुभयो । 

पक्राउ परेका राईमाथि ज्यान मार्ने उद्योगमा तीन वटा  र सार्वजनिक मुद्दामा समेत उजुरी दायर भइसकेको महानगरीय अपराध अनुसन्धान शाखाका एसपी थापाले बताउनुभयो ।