त्रिविका पूर्व उपकुलपति शर्माको निधन

काठमाडौं २३ फागुन । 
त्रिभुवन विश्वविद्यालयका पूर्व उपकुलपति प्रा.डा.माधवप्रसाद शर्माको निधन भएको छ । अघिल्लो हप्ता कंचनपुरमा भएको एमाले निकट नेपाल बुद्धिजीवि परिषदको नवौं अधिवेशनमा सहभागी हुन गएका बेला त्यहीं बिरामी परेपछि काठमाडौं आउनु भएको थियो ।

निमोनियाको शंका गरेर झण्डै एकसाता अघि काठमाडौं मेडिकल कलेज सिनामंगलमा भर्ना गरिएका उहाँलाई मिर्गौलामा समस्या र कम रक्तचाप भएपछि आइसियुमा राखेर उपचार गरिए पनि आज बिहान ३ बजेतिर निधन भएको हो । ७८ वर्षिय शर्मा वुद्धिजीवि परिषद्का पूर्व अध्यक्ष पनि हुनुहुन्थ्यो ।