एयर काष्ठमण्डपको जहाज दुर्घटना

नेपालगञ्जबाट जुम्लाका आगी उडेको जहाज कालिकोटको चिल्खयामा आकस्मिक अवतरण

काठमान्डु १४ फाल्गुन । एयर काष्ठमण्डपको जहाज कालिकोटको चिल्खयामा आकस्मिक अवतरण गरिएको छ ।

नेपालगन्जबाट जुम्लाको लागि आज १२ बजेर १६ मिनेटमा उडेको सो जहाजमा प्राविधीक खराबी आएपछि चिल्खयामा आकस्मिक अवतरण गरिएको हो ।

जहाजमा चालकदलका २ सदस्य सहित ११ जना सवार थिए । चालक र यात्रुहरुको अवस्था गम्भीर रहेको छ । जिल्ला स्वास्थ्य कार्यालय जुम्लाबाट अहिले दुर्घटनास्थलतर्फ स्वास्थ्यकर्मी पठाइसकिएको छ ।

प्रहरी टोली पनि घटनास्थल तर्फ गइसकेको छ । घाइतेहरुको उद्धारको लागि नेपालगन्ज र पोखरामा हेलिकप्टर तयारी अवस्थामा राखिएको छ ।