घुस लिंदालिंदै नेपाल प्रहरीका डिएसपीसहित दुई जना पक्राउ

काठमाडौं १९ माघ । अख्तियार दुरुपयोग अनुसन्धान आयोगले घुस लिंदालिदै नेपाल प्रहरीका डिएसपीसहित दुई जनालाई पक्राउ गरेको छ । ललितपुरका डिएसपी दयानिधि ज्ञवाली र इन्स्पेक्टर रमेश सिंहलाई घुस लिइएरहेको अवस्थामा अख्तियारको टोलीले पक्राउ गरेको हो ।

कालोबजारीको तेल तस्करलाई संरक्षण दिएवापत ललितपुरको एक होटलमा ३ लाख घुस लिइरहेका बेला अख्तियारको टोलीले पक्राउ गरेको प्रवक्ता कृष्णहरि पुष्करले जानकारी दिनुभयो । पक्राउपछि उनीहरुलाई हिरासतमा राखिएको छ ।