माइक्रो बस दुर्घटना हुँदा ५ जनाको मृत्यु

दाङ २२ पुस । दाङमा माइक्रो बस दुर्घटना हुँदा ५ जनाको मृत्यु भएको छ  । दाङ तुलसीपुरको सौडिकुलामा स्कुल बस र माइक्रो बस आपसमा ठोक्किँदा ५ जनाको मृत्यु भएको हो । रा १ क १९१ नम्बरको स्कुल बस र रा १ ज ३७२ नम्बरको माइक्रो बस एक आपसमा ठोक्किँदा दुर्घटना भएको हो । मृत्यु हुने सबै माइक्रो बसमा रहेका यात्रु रहेका छन् । 

मृत्यु हुनेमा दाङ त्रिपुर नगरपालिका–१ की २६ वर्षीया सपना अन्सारी, मानपुुरका ३० वर्षीय धनबहादुर थापा, ठेगाना खुल्न नसकेकी २७ वर्षीया वसन्ती र सल्यान काभ्राका २ वर्षीय वालक हेमन्त विष्ट छन् । दुर्घटनामा २९ जना घाइते भएका छन् ।

घाइतेहरुको राप्ती उपक्षेत्रीय अस्पताल दाङमा उपचार भइरहेको छ भने गम्भीर घाइतेहरुलाई नेपालगन्ज लगिएको छ । घाइते हुनेमा अधिकांस विद्यार्थी रहेका छन् ।