अपडेट : भारतको मनिपुरमा भूकम्प, पाँचको मृत्यु, ३३ जना घाइते(फोटोसहित)

नेपालमा समेत धक्का, पूर्वी नेपालमा केही नागरिक घरबाहिर निस्किए

काठमाडौं २० पुस ।बिहानै भारतको मणिपुर राज्यमा शक्तिसाली भूकम्प गएको छ । नेपाली समय अनुसार विहान ४ बजेर ५२ मिनेटमा मणीपुरको सदमुकाम इम्फालबाट २९ किलोमिटर पूर्व बंगालका खाडी नजिक भूकम्प गएको हो ।

मणिपुरमा पाँचजनाको मृत्यु भएको छ । कम्तीमा ३३ जना घाइते भएको रिपोर्ट राष्ट्रिय विपत व्यवस्थापन प्राधिकरणले जनाएको बीबीसी हिन्दीले लेखेको छ ।

विहान ४ बजेर ५२ मिनेटमा भारतको मनिपुरलाई केन्द्रबिन्दु बनाएर ६.८ रेक्टर स्केलको भूकम्प गएको छ । ताप्लेजुङ, झापा, भोजपुर, धनकुटा, सुनसरी लगायत मध्य नेपालका काठमाडौं  उपत्यका र पश्चिमका पोखरासहितका भूभागसम्म महसुस गरिएको छ ।

पृथ्वीको सतहबाट १० किलोमिटर तल गएको यो भूकम्पले नेपालको पूर्वी क्षेत्रको अधिकांश  भाग  तथा पश्चिम क्षेत्रको केही भाग पनि हल्लाएको छ ।  नेपाल राष्ट्रिय भुकम्प मापन केन्द्रका प्रमुख लोक विजय अधिकारीका अनुसार ६ दशमलब ८ म्याग्नेच्युटका भुकम्प भारतको मनिपुरलाई केन्द्र बनाएर गएको हो ।