गुल्मीमा ट्याक्टर दुर्घटना हुँदा ४ जनाको मृत्यु

गुल्मी २९ मंसिर । गुल्मीमा ट्याक्टर दुर्घटना हुँदा ४ जनाको मृत्यु भएको छ । गुल्मीको हस्तीचौर गाविसमा गएराति भएको ट्याक्टर दुर्घटनामा चार जनाकोे मृत्यु भएको हो ।

मृत्यु हुनेहरुमा हस्तीचौर–६ का ट्याक्टर चालक बैकुण्ठबहादुर मुखिया, हस्तीचौर–३ का तीर्थबहादुर खत्री, चन्द्रबहादुर कुँवर र जुद्ध मुखिया रहेको जिल्ला प्रहरी कार्यालय गुल्मीले जानकारी दिएको छ ।

दुर्घटना भएको ट्याक्टर सडकबाट ५ सय मिटर तल भीरमा खसेको थियो । पाँचजना मध्ये ४ जनाको मृत्यु भएको र एक जनाको जिल्ला अस्पतालमा उपचार भइरहेको छ । सदरमुकाम सामान बोकेर हस्तीचौरतर्फ जाँदै गरेको लु २ त ४८ ३१ नम्बरको ट्याक्टर राती कालाखोला भन्ने ठाउँमा दुर्घटना भएको थियो ।